نئی دہلی: منی پور میں خواتین کی برہنہ پریڈ کے معاملے میں منگل یعن یکم اگست کو سپریم کورٹ نے پولیس کی تفتیش کو سست بتایا۔ عدالت نے کہا کہ ریاست میں لا اینڈ آرڈر پوری طرح سے ختم ہو چکا ہے۔عدالت نے حیرت کا اظہار کیا کہ ریاست میں تقریباً 3 ماہ سے ذات پات کے تشدد میں کوئی ایف آئی آر درج نہیں ہوئی۔ بعد میں جب 6000 سے زائد ایف آئی آر درج ہوئیں تو ان میں چند گرفتاریاں عمل میں آئیں۔سپریم کورٹ نے منی پور کے ڈی جی پی کو عدالت میں حاضر ہو کر ان تمام سوالوں کے جواب دینے کی ہدایت دی ہے۔ ایف آئی آر میں تاخیر پر مرکز نے عدالت سے کہا کہ منی پور میں حالات بہت خراب ہیں۔چیف جسٹس چندر چوڑ، جسٹس جے بی پاردی والا اور جسٹس منوج مشرا کی بنچ اس کیس کی سماعت کر رہی ہے۔ درخواست میں متاثرہ خواتین کی شناخت ظاہر نہیں کی گئی۔ انہیں ایکس اور والی کے نام سے مخاطب کیا گیا۔ پولیس رپورٹ میں عدالت نے متاثرہ خواتین کے نام بتانے سے انکار کر دیا۔سینئر ایڈوکیٹ ورندا گروور نے کوکی خواتین کی عصمت دری اور قتل کے معاملے میں درخواست گزار کی جانب سے کہا کہ یہ رپورٹ قانون کے خلاف ہے۔ اس میں متاثرین کے نام درج ہیں۔سپریم کورٹ نے فوری طور پر مرکزی حکومت کو ہدایت دی کہ وہ اس رپورٹ کو کسی کے ساتھ شیئر نہ کرے۔ میڈیا کے سامنے نہ آئیں۔ ورنہ متاثرین کے نام سامنے آئیں گے۔
