امپھال : منی پور میں گزشتہ ماہ سے جاری نسلی فسادات شدت اختیار کر گئے ہیں۔ میڈیا کے مطابق امپھال میںبی جے پی کی خاتون وزیر صنعت کا گھر جلا دیا گیا۔ریاست میں 3 مئی سے انٹرنیٹ بندش اور کرفیو نافذ ہے جبکہ پولیس، بی ایس ایف اور فوج کے 50 ہزار اہلکار تعینات کرنے کے باوجود حکومت حالات قابو پانے میں ناکام ہے۔ منی پور میں گزشتہ 24 گھنٹوں کے دوران تشدد کے واقعات میں ایک خاتون سمیت 9 افراد ہلاک ہوئے۔ منی پور کی عوام کا کہنا ہے خانہ جنگی کا بہانہ بنا کر حکومت منی پور کے قبائلی تشخص کو ختم اور انتہا پسند ہندو نظریے کو مسلط کرنا چاہتی ہے۔ جمعرات کو کئی علاقوں میں کشیدہ حالات دیکھنے کو ملے۔ امپھال میں بڑی تعداد میں لوگ کرفیو کی خلاف ورزی کرتے ہوئے دکھائی دیے۔
