کریم نگر میں جمعیۃ الحفاظ کا اجلاس، حافظ احمد منقبت شاہ خاں کا خطاب
کریم نگر۔جمعیۃ الحفاظ کریم نگر کی جانب سے جمعیت الحفاظ کے دفتر پر 5جون بروز ہفتہ صدر قاضی وصدر جمعیۃ الحفاظ حافظ احمد منقبت شاہ خان کی صدارت میں ماہانہ اجلاس منعقد ہوا ، اجلاس سے خطاب کرتے ہوئے حافظ ضیاء اللہ خان نائب صدرجمعیۃ الحفاظ نے جمعیتہ الحفاظ کاتعارف پیش کیا اور اس کی ہمہ جہت خدمات سے روشناس کروایا،بعد ازاں خطاب کرتے ہوئے حافظ احمد منقبت شاہ خان نے کہا کہ کورونا وائرس اور اس کے بعد لاک ڈاؤن کی صورت حال کی وجہ سے دینی خدام کو کافی مشکلات کا سامنا کرنا پڑرہاہے،مدارس اور دینی تنظیموں کی مالی حالت بہت خراب ہے ،ایسے وقت میں اہل خیر حضرات کی ذمہ داری ہے کہ وہ مشکل کی اس گھڑی میں دینی خدمت گزاروں کا خیال رکھیں ،ان کی مالی امداد کرتے رہیں تاکہ استقامت کے ساتھ اشاعت اسلام کا کام ہوتا رہے۔مولانا شاداب تقی قاسمی نے کہاکہ معلمین اپنی ذمہ داریوں کو سمجھیں،سارے دیہات واطراف لوگوں کی دینی رہبری اور رہنمائی آپ کا اولین فریضہ ہے،اللہ تبارک تعالیٰ نے آپ کا انتخاب فرمایا ہے،اس کا ہر وقت خیال رکھیں۔ واضح رہے کہ اس موقع پرجمعیۃ الحفاظ کے زیر نگرانی کام کرنے والے دیہاتوں کے تقریبا 70 معلمین کے درمیان ماہانہ تنخواہوں کی تقسیم عمل میں آئی۔اس موقع پر حافظ وسیم الدین معتمد،حافظ معظم حسین فیضی خازن،حافظ فرید الدین امجد نائب خازن کے علاوہ مسرز وصی ،احمد نجیب جمال الدین شریک تھے۔
