نوٹ بندی کی پانچویں برسی
نئی دہلی :آج 8 نومبر ہے۔ 5 سال قبل اسی دن مودی حکومت نے نوٹ بندی کا فیصلہ کیا تھا۔ نوٹ بندی کی پانچویں برسی پر کانگریس جنرل سکریٹری پرینکا گاندھی نے مودی حکومت سے 5 تیکھے سوال پوچھے ہیں۔ نوٹ بندی کامیاب ہوئی تو کرپشن ختم کیوں نہیں ہوا؟ کالا دھن واپس کیوں نہیں آیا؟ معیشت کیش لیس کیوں نہیں ہوئی؟ دہشت گردی پر چوٹ کیوں نہیں لگی؟ مہنگائی پر کنٹرول کیوں نہیں ہوا؟قابل ذکر بات یہ ہے کہ 2016 میں اسی دن یعنی 8 نومبر کو پی ایم مودی نے رات 8 بجے 500 اور 1000 روپئے کے نوٹوں کا چلن ختم کردیا تھا جس کے بعد تمام اہل وطن کو کافی پریشانیوں کا سامنا کرنا پڑا۔ لوگوں کو دن رات بینکوں اور اے ٹی ایم کے باہر لمبی لائنوں میں کھڑا ہونا پڑا۔ نوٹ بندی کی وجہ سے پیدا ہونے والی پریشانیوں کی وجہ سے بہت سے لوگوں کی موت بھی ہوئی۔