نئی دہلی :کانگریس نے ہفتہ کو الزام لگایا کہ مرکزی حکومت کا ایجنڈا ماحولیات اور جنگلات سے متعلق قوانین کو کمزور کرنا ہے، کیونکہ وہ ان قوانین کو سماجی ذمہ داری کے طور پر نہیں دیکھتی ہے۔ ‘پروجیکٹ ٹائیگر’ کے 50 سال مکمل ہونے کے موقع پر اہم اپوزیشن پارٹی نے یہ بھی دعویٰ کیا کہ مودی حکومت ماحولیات، پانی اور جنگلات سے متعلق کامیابیوں کو ختم کر رہی ہے۔ ‘پروجیکٹ ٹائیگر’ ایک مرکزی اسپانسر شدہ اسکیم ہے جو سال 1973 میں شروع ہوئی تھی۔ اس منصوبے کا مقصد ملک کے قومی پارکوں میں ٹائیگروں کو پناہ فراہم کرنا ہے۔
