نئی دہلی : وزیر خزانہ نرملا سیتا رمن یکم فروری 2025 کو اپنا آٹھواں عام بجٹ پیش کرکے ایک نئی تاریخ رقم کریں گی۔یہ مودی 3.0 حکومت کا پہلا مکمل بجٹ ہے اور بجٹ عام طور پر صبح 11 بجے لوک سبھا میں پیش کیا جاتا ہے اور پھر راجیہ سبھا کے ٹیبل پر بھی رکھا جاتا ہے ۔ وزیر خزانہ کے طور پر شریمتی سیتا رمن کا یہ آٹھواں بجٹ ہوگا، جس میں اب تک ان کے ذریعہ پیش کیے گئے دو عبوری بجٹ بھی شامل ہیں۔ماہرین کا کہنا ہے کہ حکومت کی پوری کوشش سال 2047 تک ہندوستان کو ایک ترقی یافتہ ملک بنانے کی ہے اور وزیر خزانہ کا پورا زور اس سال بھی گزشتہ سال کی طرح ہی بنیادی ڈھانچے کے اخراجات، سماجی بہبود، دیہی ہندوستان کے ساتھ ساتھ معیشت میں حالیہ سست روی کو رفتار دینے کے اقدامات پر ہوسکتا ہے ۔ اس میں عام لوگوں خاص طورپر نوکری پیشہ لوگوں کو بھی راحت مل سکتی ہے ، تاکہ ان کی ڈسپوزایبل آمدنی میں اضافہ ہوسکے اور ان کے اخراجات سے معیشت کو بڑھانے میں مدد مل سکے ۔اس کے ساتھ ہی شریمتیسیتا رمن 10 بار بجٹ پیش کرنے والے سابق وزیر اعظم مرار جی دیسائی کے ریکارڈ کے اور قریب آئیں گی۔ سابق وزیر اعظم مرار جی دیسائی کے نام 10 بار بجٹ پیش کرنے کا ریکارڈ ۔
کنکٹیویٹی انفراسٹرکچر میں سرمایہ کاری کی برقراری ضروری
وزیرفینانس نرملاسیتارامن نے پارلیمنٹ میں اقتصادی سروے پیش کیا
نئی دہلی: اقتصادی سروے 2024-25 میں کہا گیا ہے کہ موجودہ مالی سال میں کنیکٹیویٹی انفراسٹرکچر میں سرمایہ کاری کی وجہ سے کنیکٹیویٹی میں اضافہ جاری ہے اور کئی دہائیوں کے دوران کنیکٹیویٹی انفراسٹرکچر میں سرمایہ کاری کو برقرار رکھنے کیلئے اگلے دو برسوں میں ہندوستان کی بلند شرح نمو کو برقرار رکھنے کی ضرورت ہے ۔مرکزی وزیر خزانہ نرملا سیتا رمن نے آج پارلیمنٹ میں اقتصادی سروے (2024 – 25)پیش کیا جس میں کہا گیا ہے کہ مالی سال 2025 کے دوران ٹریفک، نقل و حمل اور سڑک رابطہ کی سہولیات میں اضافہ ہوتا رہے گا۔ انہوں نے کہا کہ آنے والی دہائیوں میں ترقی کی بلند شرح کو برقرار رکھنے کیلئے ہندوستان کو بنیادی ڈھانچے میں سرمایہ کاری کرنے کی ضرورت ہے ۔سروے رپورٹ میں کہا گیا ہے کہ گزشتہ سال کے مقابلے اس سال ریلوے نیٹ ورک کی توسیع میں نمایاں اضافہ ہوا ہے جبکہ رولنگ اسٹاک میں اضافہ ریکارڈ کیا گیا۔ ریلوے اسٹیشن کے بنیادی ڈھانچے پر توجہ اور انجنوں اور ٹرین کے ڈبوں کی تعداد میں اضافہ اور بہتری نے ریلوے سیکٹر میں مسافروں کی سہولیات میں نمایاں اضافہ کیا ہے ۔ ہندوستانی ریلوے اپنے سگنلنگ اور حفاظتی نظام کو جدید بنا کر اور ریلوے کے وسیع نیٹ ورک میں حفاظت کو یقینی بنا کر ٹرین آپریشن کے معیار کو بہتر بنا رہا ہے ۔ ریل کے سفر کو مضبوط بنانے کیلئے مختلف انتظامات کیے گئے ہیں جس میں مکینیکل سگنلنگ سسٹم کا خاتمہ، کاوچ آٹومیٹک ریلوے پروٹیکشن سسٹم، الیکٹرانک انٹر لاکنگ، آٹومیٹک بلاک سگنلنگ اور الیکٹرانک انٹر لاکنگ کیلئے سگنل ڈیزائن آٹومیشن ٹول جیسی چیزیں شامل ہیں ۔