نئی دہلی:سورت کی عدالت نے ‘مودی سرنیم ‘ سے جڑے ہتک عزت کے معاملے میں راہل گاندھی کو بڑا جھٹکا دیا ہے۔ راہل گاندھی کی سزا پر روک نہیں لگے گی کیونکہ سورت کی عدالت نے کانگریس لیڈر کی درخواست کو مسترد کر دیا ہے۔ دراصل، ‘مودی سرنیم ‘ ہتک عزت کے معاملے میں سورت کی نچلی عدالت نے راہل گاندھی کو دو سال کی سزا سنائی تھی۔ اس سزا کے خلاف نچلی عدالت کے فیصلے کو راہول گاندھی نے سیشن کورٹ میں چیلنج کیا تھاجسے عدالت نے مسترد کر دیا تھا۔مانا جا رہا ہے کہ راہل گاندھی اب اس معاملے میں راحت کے لیے ہائی کورٹ سے رجوع کر سکتے ہیں۔ سورت کی عدالت سے راہل گاندھی کو راحت نہ ملنے کے بعد کانگریس کے سینئر لیڈر اور کانگریس جنرل سکریٹری انچارج کمیونیکیشن جے رام رمیش نے کہا کہ ہم قانون کے تحت ہمارے پاس دستیاب تمام آپشنز کا استعمال جاری رکھیں گے۔
