نئی دہلی: وزیر اعظم نریندر مودی نے متفقہ طور پر قومی جمہوری اتحاد (این ڈی اے ) کا لیڈر منتخب ہونے کے بعد جمعہ کو بھارتیہ جنتا پارٹی کے سینئر لیڈروں ایل کے اڈوانی اور مرلی منوہر جوشی سے ملاقات کرکے ان کا آشیرواد لیا۔ پارلیمنٹ ہاؤس کے احاطے میں واقع کانسٹی ٹیوشن ہاؤس میں منعقدہ این ڈی اے کی میٹنگ میں مودی کو این ڈی اے کی پارلیمانی پارٹی کا لیڈر منتخب کیا گیا۔ این ڈی اے نے لوک سبھا انتخابات میں مسلسل تیسری بار کامیابی حاصل کرنے کے بعد مودی کو تیسری بار اتحاد کی پارلیمانی پارٹی کا لیڈر منتخب کیا ہے۔ مودی ایوانِ دستور سے سیدھے اڈوانی کی رہائش گاہ کے لیے روانہ ہوئے ۔ مودی نے اڈوانی کو پھولوں کا گلدستہ پیش کرکے ان سے آشیرواد لیا اور ان کی خیریت دریافت کی۔ اس وقت اڈوانی کے ساتھ ان کی بیٹی پرتیبھا اڈوانی بھی موجود تھیں۔ اس کے بعد وہ مرلی منوہر جوشی سے ان کی رہائش گاہ پر ملنے گئے اور ان کا آشیرواد لیا۔ انہوں نے مرلی منوہر جوشی کو گلدستہ پیش کیا اور آشیرواد لیا۔ جوشی نے مودی کو انگاوستر پہنایا۔ مودی نے کچھ دیر ان سے بات چیت کی اور ان کی خیریت دریافت کی۔
