نئی دہلی: کانگریس صدر ملکارجن کھرگے نے پیپر لیک کو لے کر مودی حکومت پر حملہ کیا ہے۔ انہوں نے ایکس پر لکھا، ’’مودی حکومت نے سپریم کورٹ کو بتایا ہے کہ نیٹ۔ یوجی میں کوئی پیپر لیک نہیں ہوا ہے! لاکھوں نوجوانوں کو یہ سفید جھوٹ کہا جا رہا ہے۔ ان کا مستقبل برباد کیا جا رہا ہے۔‘‘ انہوں نے مزید کہا کہ وزارت تعلیم کا یہ بیان، ’’بے ضابطگیاں دھوکہ دہی صرف کچھ جگہوں پر ہوئی ہے، یہ گمراہ کن بات ہے۔ بی جے پی۔ آر ایس ایس نے پورے تعلیمی نظام پر قبضہ کر کے تعلیمی مافیا کو پروان چڑھایا ہے۔ این سی ای آر ٹی کی کتابیں ہوں یا امتحانات میں لیک ہو جانا، مودی حکومت ہمارے تعلیمی نظام کو تباہ کرنے پر تلی ہوئی ہے۔انہوں نے مزید کہا کہ ہم اپنا مطالبہ دہراتے ہیں:1) نیٹ۔یوجی دوبارہ کرایا جانا چاہئے۔ شفاف طریقے سے آن لائن کیا جائے۔2) پیپر لیک کے تمام گھپلوں کی سپریم کورٹ کی نگرانی میں مکمل چھان بین کی جائے، اور مجرموں کے خلاف سخت کارروائی کی جائے۔کھرگے نے کہا کہ مودی حکومت اپنے اقدامات سے خود کو بری نہیں کر سکتی۔
بی جے پی اور آر ایس ایس نے تعلیمی مافیا کو فروغ دیا ہے: کھرگے
نئی دہلی: قومی اہلیت۔کم۔داخلہ ٹسٹ (NEET) – UG 2024 امتحان پر جاری تنازعہ کے درمیان کانگریس کے قومی صدر ملکارجن کھرگے نے مرکزی حکومت پر تنقید کرتے ہوئے دعویٰ کیا کہ بی جے پی۔آر ایس ایس انتظامیہ پورے تعلیمی نظام کو اپنے کنٹرول میں لے کر ایک ’’تعلیمی مافیا‘‘ کو فروغ دیا ہے۔ کھرگے نے NEET-UG کے دوبارہ امتحان کے مطالبہ کو بھی دہرایا۔سوشل میڈیا پلیٹ فارم ایکس پر کھرگے نے لکھا ہے کہ مودی حکومت نے معزز سپریم کورٹ کو بتایا ہے کہ NEET-UG میں کوئی پرچہ لیک نہیں ہوا ہے! یہ کھلا جھوٹ لاکھوں نوجوانوں سے بولا جا رہا ہے۔ ان کا مستقبل برباد کیا جا رہا ہے۔ وزارت تعلیم نے کہا ہے کہ بے ضابطگیاں؍ دھوکہ دہی صرف چند جگہوں پر ہوئی ہے۔ یہ گمراہ کن ہے بی جے پی۔ آر ایس ایس نے پورے تعلیمی نظام کو اپنے کنٹرول میں لے کر تعلیمی مافیا کو فروغ دیا ہے۔