ہیوسٹن،23 ستمبر (سیاست ڈاٹ کام) پاکستان کو وزیر اعظم نریندر مودی کی عالمی سطح پر مقبولیت ہضم نہیں ہو رہی ہے اور اسے لیکر وہاں کے وزیر اپنی شرمندگی مٹانے کا کوئی موقع نہیں چوکتے ہیں۔امریکہ کے ہیوسٹن میں اتوار کو مسٹر مودی نے صدر ڈونالڈ ٹرمپ کے ساتھ این آر جي اسٹیڈیم میں ھاؤڈي مودی پروگرام سے خطاب کیا تھا۔ اس پروگرام میں امریکہ میں رہنے والے 50 ہزار سے زائد ہندوستانیوں نے شرکت کی تھی۔ 5 اگست کو جموں و کشمیر کا خصوصی ریاست کا درجہ ختم کرنے اور آرٹیکل 370 کے کچھ دفعات کو ختم کرنے کے بعد سے ہی پاکستان کے وزیر اعظم عمران خان سمیت ان کے وزرا بری طرح بوکھلائے ہوئے ہیں اور انسانی حقوق کی خلاف ورزی کی دہائی دیکر عالمی فورم پر ہمدردی حاصل کرنے میں لگے ہیں مگر ہر جگہ ناکامی اور مایوسی ہی ہاتھ لگی ہے ۔مسٹر مودی پر بار بار متنازعہ تبصرہ کرکے اپنی توہین کرانے والے پاکستان کے سائنس اور ٹیکنالوجی کے وزیر فواد حسین چودھری ھاؤڈي مودی پروگرام سے کھسیا گئے اور اس پر ایک بار پھر اپنی جھلاہٹ کا مظاہرہ کیا۔