وارنسی: لگاتار دو بار وزیر اعظم رہنے والے نریندر مودی کے پاس نہ تو اپنا خود کا مکان ہے اور نہ ہی ان کے پاس کوئی گاڑی ہے ۔ ان کے پاس صرف 3کروڑ 2 لاکھ روپئے کی ملکیت ہے ۔ مودی نے منگل کو وارانسی لوک سبھا سیٹ سے تیسری بار پرچہ نامزدگی داخل کیا۔ وزیر اعظم نے اپنے پرچہ نامزدگی کے ساتھ داخل حلف ناموں میں ان کے پاس 3.02 کروڑ روپئے سے زیادہ کی منقولہ اور غیر منقولہ جائیدا د ہونے کا اعتراف کیا ہے جس میں ایس بی آئی میں 2 کروڑ 89لاکھ 45ہزار 598روپئے کی فکسڈ ڈپازٹ بھی شامل ہے ۔ اس کے ساتھ ہی ان کے پاس 52ہزار 920روپئے نقد ہیں جس میں سے 28ہزار روپئے نکالے گئے ہیں۔ وزیر اعظم کے حلف ناموں کے مطابق ان کے خلاف کوئی مجرمانہ معاملہ درج نہیں ہے ۔
