غازی آباد: وزیر اعظم نریندر مودی نے جمعہ کو ملک کی پہلی ریپڈ ایکس ریل سرویس ‘نمو بھارت’ ٹرین کو جھنڈی دکھائی۔صاحب آباد ریپڈ ایکس اسٹیشن پر اس کے ساتھ مودی نے بنگلورو کے دو میٹرو سیکشن قوم کے نام وقف کئے ۔ جس میں بیپّن ہلی کو کرشنا راج پورہ سے اور کینگیری کو چلاگھٹا سے جوڑنے والے سیکشن شامل ہیں۔ ان دونوں میٹرو سیکشن کو 9 اکتوبر سے عوامی خدمت کے لیے کھول دیا گیا ہے ۔دہلی۔غازی آباد۔میرٹھ ریجنل ریپڈ ٹرانزٹ سسٹم (آر آر ٹی ایس) کوریڈور کا 17 کلومیٹر طویل ترجیحی سیکشن جس کا مودی نے افتتاح کیا ہے ، صاحب آباد کو غازی آباد، گلدھار اور دوہائی اسٹیشنوں کے ساتھ ‘دوہائی ڈپو’ سے جوڑے گا۔ مودی نے 8 مارچ 2019 کو دہلی۔غازی آباد۔میرٹھ کوریڈور کا سنگ بنیاد رکھا تھا۔ انہوںنے اس ٹرین میں سفر بھی کیا۔آر آر ٹی ایس ایک نیا ریل پر مبنی، سیمی ہائی اسپیڈ ، ہائی فریکوئنسی والا کمپیوٹر ٹرانزٹ سسٹم ہے ۔ 180 کلومیٹر فی گھنٹہ کی رفتار کے ساتھ، آر آر ٹی ایس ایک تبدیلی، علاقائی ترقی کا پہل ہے ، جو ہر 15 منٹ میں انٹر سٹی سفرکیلئے تیز رفتار ٹرینیں فراہم کرنے کیلئے ڈیزائن کیا گیا ہے ۔
