بیروت : حماس کے سینئر رہنماشخ صالح العروری کی والدہ نے خوشی کا اظہار کرتے ہوئے کہا ہے کہ میں اپنے بیٹے کو اس (شہادت ) پر مبارکباد پیش کرتی ہوں جس کی اس نے خواہش کی اور حاصل کی ہے۔ میڈیا رپورٹس کے مطابق تاس کے رہنما حزب اللہ کے سربراہ حسن نصر اللہ سے ملاقات کرنے والے تھے۔ اس سے قبل وہ ایران ے قبل وہ ایان کے سپریم لیڈر آیت اللہ خامنہ ای سمیت اعلی شخصیات سے ملاقاتیں کر چکے تھے۔ انہوں نے کہا کہ اللہ میرے بیٹے پر رحم فرمائے ، اس نے مقدس زمین کے لئے اپنی زندگی کی قربانی دی وہ شہادت کی دعائیں مانگتا تھا اور اللہ نے اس کی دعا قبول کرلی، میں اسے اور پوری دنیا کے مجاہدین کو اپنے بیٹے کی شہادت پر مبارک باد دیتی ہوں۔ان کا کہنا تھا کہ 20 سال ہوئے میری اپنے بیٹے سے ملاقات نہیں ہوئی، اسرائیل نے صالح العاروی کو 18 سال جیل میں رکھا، پھر ا سے مصر سے ترکی اور ترکی سے قطر جلاوطن کیا، مجھے خوشی ہے میرا بیٹا اپنے وطن کے لئے شہید ہوا۔ واضح رہے لبنان میں اسرائیلی حملے میں فلسطینی مزاحمتی تنظیم حماس کے سینئر رہنما صالح العروری شہید ہوگئے ۔ میڈیا رپورٹس کے مطابق اسرائیل اور حماس نے تصدیق کی ہے کہ لبنان کے دارالحکومت بیروت میں زوردار دھماکہ ہوا جس کے نتیجہ میں صالح العروری شہید ہوئے۔سوشل میڈیا پر گردش کرتی فوٹیج میں دیکھا جاسکتا ہے کہ دھماکے میں متعدد گاڑیاں تباہ ہوئیں جبکہ لوگوں کی بڑی تعداد جائے وقوعہ پر موجود ہے۔ حماس کے مطابق صالح العروری کے علاوہ قسام بریگیڈ کے دو کمانڈرز بھی شہید ہوئے۔ العروری کا شمار حماس کے بانی ارکان میں ہوتا تھا جنہوں نے 7 اکتوبر 2023 کو اسرائیل پر کئے گئے طاقتور حملے کی قیادت کی تھی۔
