حیدرآباد۔ میر پیٹ پولیس نے موٹر سائیکلوں کا سرقہ کرنے والے دو افراد کوگرفتار کرلیا اور ان کے قبضہ سے 13 موٹر سائیکلیں بشمول 7 رائل انفیلڈ گاڑیوں کو ضبط کرلیا۔ مسروقہ موٹر سائیکلوں کی جملہ مالیت 14 لاکھ بتائی گئی ہے۔ میر پیٹ پولیس نے کارروائی کے دوران 30 سالہ واجد خان عرف واجد ساکن مشیرآباد متوطن اسرائیل پیٹ گنٹور اور 20 سالہ ذکی خان ساکن دائرہ مشیرآباد کو گرفتار کرلیا۔ یہ دونوں رات دیر گئے کالونیوں میں گھوما کرتے تھے اور گاڑیوں کا انتخاب کرنے کے بعد اس کا سرقہ کرتے تھے۔ دونوں حیات نگر میں 4 ، ونستھلی پورم میں 2 ، سرور نگر ، چیتنیہ پوری اور میر پیٹ میں ایک ، ایک، میڑپلی اور اپل میں چار وارداتیں انجام دیئے تھے۔ پولیس نے بتایا کہ واجد سابق میں16 وارداتوں میں ملوث بتایا گیا ہے جبکہ ذکی خان 5 وارداتیں انجام دے چکا ہے ۔ پولیس نے انہیں گرفتار کرلیا۔
