اجزا: بکرے کا گوشت ایک کلو، نمک حسب ذائقہ، ادرک لہسن پسا ہوا دو کھانے کے چمچہ، بادام دس سے بارہ عدد، مکھانے دس سے بارہ عدد، پیاز تین عدد درمیانی،پسی ہوئی لال مرچ ایک کھانے کا چمچہ، پسا ہوا دھنیا ایک کھانے کا چمچہ، زیرہ پسا ہوا ایک چائے کا چمچہ، پسا ہوا گرم مسالہ ایک چائے کا چمچہ، چھوٹی الائچی تین سے چار عدد، تیز پات ایک پتہ، دہی ایک پیالی، کوکنگ آئیل ایک پیالی۔
ترکیب :گوشت کو صاف دھو کر چھلنی میں رکھ کر خشک کرلیں،پھر اسے باؤل میں ڈال کر نمک ،دہی ،لال مرچ اور دھنیا ڈال کر اچھی طرح ملا لیں۔کوکنگ آئیل میں بادام اور مکھانوں کو سنہری فرائی کرکے نکال لیں(اس میں سے آدھے مکھانے اور بادام کو باریک پیس لیں)اور اسی پین میں باریک کٹی ہوئی پیاز کو سنہری فرائی کرکے نکال لیں۔پھر اس پین میں تیزپات ڈال کر کڑکڑائیں اور ادرک لہسن کو فرائی کرلیں،پھر اس میں مسالہ لگا ہوا گوشت ڈال کر ملائیں۔تھوڑا ساپکنے پر آجائے تو آنچ ہلکی کر دیں۔گوشت اپنے ہی پانی میں گلنے پر آجائے تو اس میں فرائی کی ہوئی پیاز(چورا کرکے ڈالیں)اور پسے ہوئے مکھانے اور بادام شامل کر دیں۔جب گھی علیحدہ ہونے پر آجائے تو اس میں پسا ہوا گرم مسالہ،زیرہ اور پسی ہوئی الائچی چھڑک کر ہلکی آنچ پر دم پر رکھ دیں۔
