صرف کیرالا میں 46 فیصد مریض ، مرکزی وزارت صحت کیلئے بڑی تشویش
نئی دہلی: کورونا کی دونوں خوراکیں لینے کے بعد بھی ملک میں کورونا انفیکشن کے کیسز سامنے آئے ہیں۔ ذرائع کے مطابق دوسری خوراک کے بعد کل کامیاب کیسوں میں سے 46 فیصد کیرالا میں درج ہوئے ہیں۔ کیرالا میں بریک تھرو انفیکشن (ویکسین لینے کے بعد انفیکشن) کے تقریبا 80 ہزار کیس رپورٹ ہوئے ہیں۔ اس میں تقریبا 40 ہزار دوسری خوراک لینے کے بعد بریک تھرو انفیکشن کے ہیں۔ دوسری خوراک کے بعد ملک میں 87 ہزار سے زیادہ بریک تھرو انفیکشن کیس رپورٹ ہوئے ہیں۔دوسری خوراک کے بعد کیرالا کل بریک تھرو انفیکشن کا 46 فیصد ہے۔ باقی 54 فیصدملک کے مختلف حصوں سے رپورٹ ہوئے ہیں۔وزارت صحت کے لیے سب سے بڑی تشویش یہ ہے کہ کیرالا میں دوسری خوراک کے بعد اتنی بڑی تعداد میں بریک انفیکشن کی وجہ کیا ہے؟ فی الحال کیرالا سے بریک تھرو انفیکشن کے 200 نمونوں کی جانچ کی گئی ہے، لیکن اب تک کوئی نئی تبدیلی سامنے نہیں آئی ہے۔ کیرالا کے وائناڈ میں تقریبا 100 فیصد ویکسی نیشن کے بعد بریک تھرو انفیکشن کے معاملے وہاں بھی ہیں۔حکومت بریک تھرو انفیکشن اور وائرس کی منتقلی پر گہری نظر رکھے ہوئے ہے۔ کیرالا، کرناٹک، تمل ناڈو میں جو ٹرانسمیشن ہو رہی ہے اس پر قریبی نظر ہے۔ یہ بات قابل غور ہے کہ آج کورونا کے کیسز 40 ہزار سے بھی کم آئے ہیں۔ گزشتہ 24 گھنٹوں میں 36401 نئے کیس رپورٹ ہوئے ہیں اور 530 افراد فوت ہوئے ہیں۔
ہندوستان میں فعال کیسز کی تعداد 364129 ہے جو کہ گزشتہ 149 دنوں میں سب سے کم ہے۔ جبکہ صحت یابی کی شرح 97.53 فیصد ہے۔گزشتہ 24 گھنٹوں کے دوران 39157 مریض کورونا سے صحت یاب ہوئے ہیں۔ اب تک مجموعی طور پر 31525080 افراد کورونا سے صحت یاب ہو چکے ہیں۔ہفتہ واری مثبت شرح 1.95 فیصد ہے جو گزشتہ 55 دنوں سے 3 فیصد سے کم ہے۔ یومیہ مثبت شرح 1.94 ہے۔ یہ گزشتہ24 دنوں میں 3 فیصد سے کم ہے۔ اب تک مجموعی طور پر 50.03 کروڑ ٹیسٹ کیے جا چکے ہیں۔ گزشتہ24 گھنٹوں میں ویکسین کی 5636336 خوراکیں دی گئیں۔ اب تک کل ویکسی نیشن 566488433 ہو چکی ہے۔