مکہ ۔ محکمہ موسمیات نے مدینہ منورہ میں موسم کی پیش قیاسی کرتے ہوئے کہا ہے کہ صبح 9 بجے سے شام 8 بجے تک تیز ہوا چلے گی جس کے باعث دھول اڑنے کا خدشہ ہے۔گرد آلود ہوا کی وجہ سے حد نگاہ متاثر ہونے کا خدشہ ہے۔ یہ صورتحال مدینہ کے علاوہ الحناکیہ، العلا اور المہد میں بھی ہوگی۔محکمہ موسمیات نے اسی طرح کا انتباہ مکہ علاقہ میں بھی جاری کرتے ہوئے کہا ہے کہ مکہ مکرمہ کے علاوہ جدہ، رابغ، خلیص، اللیث اور قنفذہ میں مطلع گرد آلود رہے گا۔دوسری طرف ویب سائٹ کے مطابق ماہر موسمیات حسن کرانی نے کہا ہے کہ مغربی اور وسطی علاقوں میں شدید گرمی کی لہر ہوگی اور سایے میں درجہ حرارت 48 ڈگری تک ہونے کا خدشہ ہے۔ انہوں نے دھوپ سے بچنے اورکھلے مقامات میںکام کرنے سے خبردارکرتے ہوئے کہا ہے کہ دھوپ میں درجہ حرارت 50 ڈگری سے تجاوز کر جائے گا۔