ریاض: سعودی عرب میں مکہ مکرمہ سمیت کئی علاقوں میں منگل کو بارش ہوئی ہے۔ مقدس شہر کے محلوں اور سڑکوں پر بارش کے مناظر پر مشتمل وڈیو کلپ سوشل میڈیا پر وائرل ہیں۔ منگل کو گرد آلود ہواؤں کے بعد مکہ مکرمہ میں گرج چمک کے ساتھ بارش ہوگی۔عاجل ویب سائٹ کے مطابق منگل کو مکہ مکرمہ کے علاوہ باحہ اور جازان میں پہلے گرد آلود ہوائیں چلیں جن سے حد نظر محدود ہوگئی تھی اور بارش ہوئی اور سیلاب کی صورت اختیار کرلی۔مکہ مکرمہ کی پانچ کمشنریوں خصوصا طائف اور الکامل میں رات 8 بجے تک گرد آلود ہوائیں چلتی رہیں- باحہ میں بارش کے ساتھ ژالہ باری بھی ہوئی۔باحہ کی 8 کمشنریوں کا موسم منگل کو غیرمستحکم رہا جبکہ جازان میں کہیں درمیانے درجے اور کہیں موسلا دھار بارش کا سلسلہ رہا۔
