ریاض :مکہ مکرمہ میں واقع قرآن میوزیم میں قرآن پاک کے نسخوں کی 14 سو سالہ تاریخ کو انٹریکٹیو ویژول ڈسپلے کے مجموعے کے ذریعے سامنے لانے میں کامیابی حاصل ہوئی ہے۔عرب میڈیا کے مطابق حراء کلچرل ڈسٹرکٹ کے سی ای او ڈاکٹر فواز المعراج نے ایک انٹرویو میں بتایا ہے کہ اس ڈسپلے کا مقصد زائرین کیلئے اللّٰہ کے کلام قرآن مجید اور اس کی تاریخ کے بارے میں جاننے کا موقع فراہم کرنا ہے۔ انہوں نے بتایا کہ ابتداء میں قرآن کریم کو چمڑے اور کھجور کے درختوں کے حصوں پر لکھا گیا تھا۔حجاج کرام اور عمرہ زائرین کو ’غار حرا‘ کی زیارت کروانے کیلئے نیا منصوبہ حرا کلچرل ڈسٹرکٹ میں واقع یہ قرآن میوزیم جبلِ حرا کے نچلے حصے میں موجود ہے۔یہ قرآن کے بارے جاننے کی خواہش رکھنے والوں کیلئے بہترین تجربہ ہے جسے دیکھنے والا اس مقدس کتاب کی عظمت اور عربی خطاطی کی خوبصورتی کو محسوس کر سکے گا۔ حالیہ عرصہ میں سعودی حکومت کی جانب سے مملکت کو آنے والے افراد کی سہولت کیلئے مختلف اقدامات کئے جارہے ہیں جبکہ حج اور عمرہ کیلئے آنے والوں کو بھی مختلف قسم کی سہولتوں کی فراہمی کو ترجیح دی جارہی ہے تاکہ اللہ کے مہمانوں کو خشوع و خضوں کے ساتھ عبادت کرنے کے علاوہ معلومات بھی حاصل ہوسکیں۔
