مملکت کے کئی علاقوں میں الرٹ‘ مدینہ میں سب سے زیادہ بارش درج
ریاض : مکہ مکرمہ محکمہ شہری دفاع نے بتایاکہ تیز ہواؤں کے باعث گیسٹ ہاؤس کی دیوار گرگئی جس کے نیچے دب کر دو افراد ہلاک ہوگئے ہیں۔میڈیاکے مطابق یہ واقعہ اس وقت پیش آیا جب ہلاک ہونے والے دونوں نوجوان اپنے دادا کی وفات پر ہونے والی تعزیتی تقریب میں پرسہ دینے والوں کا استقبال کر رہے تھے۔محکمہ شہری دفاع نے کہا ہے کہ ہلاک ہونے والے نوجوانوں میں سے ایک کی عمر 19 سال اور دوسرے کی عمر 15 سال ہے۔اطلاع ملتے ہی شہری دفاع کی امدادی ٹیمیں موقع پر پہنچ گئیں تاہم اس وقت تک وہ انتقال کرچکے تھے۔ تحقیقات پر معلوم ہوا کہ دیوار تیز ہوا کے باعث گر گئی ہے۔دوسری طرف سعودی محکمہ شہری دفاع نے اتوار کی صبح مدینہ منورہ، مکہ مکرمہ، الباحہ، عسیر اور جازان میں بارش کا الرٹ جاری کیا ہے اور لوگوں کو احتیاطی تدابیر اختیار کرنے کا مشورہ دیا ہے۔بیان میں کہا گیا کہ لوگ محفوظ مقامات پر رہیں۔ سیلابی مراکز، وادیوں اور نشیبی مقامات کی طرف جانے سے گریز کریں۔ بارش کے دوران میڈیا اور سوشل نیٹ ورکنگ سائٹس کے ذریعے دی جانے والی ہدایات پر عمل کیا جائے۔علاوہ ازیں مملکت کے آٹھ ریجنس میں پچھلے چوبیس گھنٹے کے دوران مدینہ منورہ ایئرپورٹ پر سب سے زیادہ 37.4 ملی میٹر بارش ریکارڈ کی گئی ہے۔ وزارت ماحولیات، پانی اور زراعت جو تمام ریجنز میں بارش کی شدت پر نظر رکھتی کی رپورٹ میں کہا گیا کہ جمعہ 30 اگست سے ہفتہ31 اگست صبح نو بجے تک ہائیڈرولوجیکل اور کلائمنٹ ا سٹیشنوں نے مکہ، مدینہ، قصیم، عسیر، تبوک ، جازان، نجران اور الباحہ میں بارش ریکارڈ کی ہے۔رپورٹ کے مطابق مدینہ منورہ میں ایئرپورٹ کے علاقے میں 35.2 جبکہ مسجد نبویؐ کے اطراف 27.6 ملی میٹر بارش ریکارڈ کی گئی۔
کمرشل ایل پی جی سلنڈر 39 روپے مہنگا