ممبئی: ریلائنس انڈسٹریز کے چیئرمین اور منیجنگ ڈائریکٹر مکیش دھیرو بھائی امبانی کو ای میل پر جان سے مارنے کی تازہ دھمکی ملی ہے ۔ اس بات کی ممبئی پولیس نے ہفتہ کو تصدیق کی ہے ۔پولیس کے مطابق امبانی کو تازہ ای میل میں گزشتہ دنوں دی گئی دھمکی کا تذکرہ کرتے ہوئے 400 کروڑ روپے کی رقم کا مطالبہ کیا گیا ہے ۔دھمکی آمیز میل میں اس بار صنعتکار کو پچھلی دھمکیوں کو نظر انداز کرنے کے سنگین نتائج سے خبردار بھی کیا گیا ہے ۔ پولیس کے مطابق امبانی کو 31 اکتوبر اور 1 نومبرکو دو دھمکی آمیز ای میلز موصول ہوئے تھے جس میں پچھلی ای میلز کو نظر انداز کرنے کے سنگین نتائج سے خبردار کیا گیا تھا ۔
میل بھیجنے والے نے 400 کروڑ روپے کا مطالبہ کیا ہے۔پولیس اور ممبئی کرائم برانچ معاملے کی جانچ کر رہی ہے ۔
