ممبئی : مہاراشٹرا کا 61واں یوم تاسیس معمولی پیمانہ پر منایا جائے گا ۔ ایک مبصر نے کہا کہ یکم مئی کو یوم تاسیس تقریب ایک سادہ تقریب ہوگی ۔ قومی پرچم لہرایا جائے گا ۔ مختلف ضلعی ہیڈ کوارٹرس پر پرچم کشائی کے بعد حکومت نے اپنے اعلامیہ میں کہا کہ یہ تقاریب سادہ طریقہ پر منائی جانی چاہیئے ۔ پونے، ناگپور ، اورنگ آباد ، ناسک اور امراوتی میں پرچم کشائی کا اہتمام ڈیجیٹل کمشنریٹ اور ضلعی کلکٹرس کی جانب سے کیا جائے گا ۔ تاہم علحدہ علحدہ تقاریب منعقد نہیں ہوں گی ۔ صرف ضلع کے سرپرست وزیر ڈیویژنل کمشنر میئر مجلس بلدیہ کے صدر کلکٹر اورضلع پولیس کمشنر ، ضلع ایس پی اور سی ای او موجود رہیں گے ۔ اعلامیہ کے بموجب اقل ترین افراد ودھان بھون ، ہائیکورٹ اور دیگر دستوری دفاتر میں تقاریب منعقد کریں گے ۔ یکم مئی 1960کو مہاراشٹرا کا قیام عمل میں آیا تھا ۔
