ممبئی: مہاراشٹر کے گڑھ چیرولی میں جمعہ کی صبح پولیس کے ساتھ ایک تصادم میں کم از کم 13 ماؤ نواز ہلاک ہوگئے ۔گڑھ چیرولی کے ڈپٹی انسپکٹر جنرل پولیس سندیپ پاٹل نے بتایا کہ انکاؤنٹر آج صبح 5 بجے ہوا۔ انکاؤنٹر کے وقت ، نکسل اٹٹاپلی کے جنگل کوٹامی میں ایک میٹنگ کے لئے جمع ہوئے تھے ۔انہوں نے کہا کہ ماؤنوازوں کی موجودگی کی انٹلی جنس اطلاع کی بنیاد پر ، مہاراشٹرا پولیس کی سی 60 بٹالین نے سرچ آپریشن شروع کیا۔
