یانگون : میانمار میںشدید بارش سے پیدا ہونے والے سیلاب سے 5 افراد ہلاک ہوگئے۔سماجی بہبود، امداد اورآباد کاری امور کی وزارت کے اہلکار لائے شوے زن او نے بتایا کہ ملک میں آنے والے سیلاب کی وجہ سے 60 ہزار لوگ بے گھر ہوئے تھے جبکہ ان میں سے 20 ہزار اپنے گھروں کو لوٹ گئے۔لے نے کہا کہ 40,000 بے گھر افراد اس وقت خانقاہوں، بدھ مندروں اور اسکولوں جیسی نسبتاً مضبوط عمارتوں میں قیام پذیر ہیں۔یہ بتاتے ہوئے کہ سیلاب کی وجہ سے 4 بچوں سمیت 5 افراد اپنی جانوں سے ہاتھ دھو بیٹھے، لینے کہا کہ ان میں سے 3 کا تعلق مون ریاست سے تھا، اور ایک ماں اور اس کے بچے کا تعلق آراکان سے تھا۔انہوں نے بتایاکہ سیلاب کی وجہ سے صورتحال خراب ہوتی جا رہی ہے، “یہ کہنا مشکل ہے کہ آیا سیلاب کی موجودہ صورتحال اس سال کے لیے بدترین ہے کیونکہ بارشوں کا موسم ابھی ختم نہیں ہوا۔”میانمار کے سرکاری اخبار میانما الین نے سیلاب سے متاثرہ علاقوں میں اسکولوں میں تعلیمی سرگرمیوں کو وقفہ دیے جانے کی اطلاع دی ہے۔ملک میں ہر سال مون سون کے موسم میں نا مساعدموسمی واقعات دیکھنے میں آتے ہیں۔
