یانگون : میانمار میں فروری کے شروع میں فوجی بغاوت اور اقتدار پر قبضے کے بعد سے جمہوریت نواز مظاہرین کے خلاف کریک ڈاؤن میں اب تک کم از کم 140 افراد مارے جا چکے ہیں۔ یہ بات اقوام متحدہ کی طرف سے بتائی گئی۔ عالمی ادارے کے سیکرٹری جنرل انٹونیو گوٹیرس نے میانمار میں فوجی حکمرانوں کی طرف سے عوام کے بنیادی انسانی حقوق کی خلاف ورزیوں کی شدید الفاظ میں مذمت کی۔ گوٹیرس نے کہا کہ پرامن مظاہرین کے خلاف فوجی طاقت کا استعمال قابل مذمت ہے اور عالمی برادری کو میانمار میں جمہوریت کی بحالی کی کوششوں کی حمایت کرنا چاہیے۔