حیدرآباد۔ میاں پور علاقہ میں پیش آئے سڑک حادثہ میں ایک طالب علم ہلاک ہوگیا۔ پولیس کے مطابق 15 سالہ محمد معین جو حفیظ پیٹ علاقہ کے ساکن محمد اسماعیل کا بیٹا تھا۔ طالب علم محمد معین کو اس کا ساتھی راجکمار اپنے ساتھ لے گیا جو واٹر پلانٹ میں کام کرتا ہے۔ دونوں موٹر سیکل پر جارہے تھے کہ موٹر سیکل بے قابو ہوکر حادثہ کا شکار ہوگئی اور اس حادثہ میں معین ہلاک ہوگیا۔ پولیس میاں پور نے مقدمہ درج کرلیا ہے اور مصروف تحقیقات ہے۔
