ممبئی ۔27 ؍اکتوبر ( ایجنسیز)بالی ووڈاداکارہ راکھی ساونت کا کہنا ہے، میرا موازنہ شکیرا، کم کارڈیشین، جینیفر لوپیز سے کریں، اْروشی روٹیلا سے نہیں، میں ان کی طرح جھوٹ نہیں بولتی۔میڈیا کے مطابق راکھی ساونت نے اداکارہ اْروشی روٹیلا سے اپنا موازنہ کیے جانے پر غصے کا اظہار کیا ہے اور اپنے نئے گانے ’ضرورت‘ کی تشہیری تقریب میں اپنے مہنگے زیورات کی نمائش بھی کی ہے۔ زیورات کے بارے میں انہوں نے دعویٰ کیا ہے کہ ان کی مالیت 70 کروڑ روپے ہے۔ انہوں نے دعویٰ کیا کہ ہیڈ پیس کی قیمت 50 کروڑ روپے اور ہار کی قیمت 20 کروڑ روپے ہے۔ اروشی روٹیلا کو اکثر سوشل میڈیا پر اپنے زیورات اور مہنگے لباس کی نمائش کرتے دیکھا جاتا ہے۔ 2024ء میں انہیں اپنی سالگرہ پر 24 قیراط سونے کا کیک کاٹتے ہوئے دیکھا گیا تھا۔راکھی کا نیا گانا ’ضرورت‘ رومانوی گیت ہے جسے سیف علی نے گایا اور کمپوز کیا ہے جبکہ بول آیوش کے ہیں۔ اس گانے میں راکھی اداکار شہباز خان کے ساتھ رومانس کرتی نظر آ رہی ہیں۔
