میرٹھ21فروری (سیاست ڈاٹ کام ) اترپردیش میں میرٹھ کے جانی علاقے میں جمعہ کی صبح ہوئے پولیس تصادم میں دو بدمعاش زخمی ہو گئے ، جنہیں گرفتار کر لیا گیا ہے ۔سینئر پولیس سپرنٹنڈنٹ اجے ساہنی کے مطابق آج صبح اطلاع ملنے پر تقریباً ساڑھے آٹھ بجے دھولڈي شاہراہ پر باغ میں پولیس نے بدمعاشوں کو گھیر لیا۔ خود کو محاصرے میں دیکھ کر بدمعاشوں نے پولیس پر فائرنگ شروع کر دی۔ خود کو بچاتے ہوئے پولیس نے بھی جوابی کارروائی کرتے ہوے گولی چلائی جس میں دو بدمعاش نسیم اور عابد زخمی ہو گئے ۔ دونوں کو گرفتار کر لیا گیا ہے ۔ ان کے قبضے سے دو طمنچے ، کچھ کارتوس اور لوٹے گئے زیورات اور 11 ہزار روپے کی نقد رقم برآمد کی گئی۔انہوں نے بتایا کہ زخمی بدمعاشوں کو اسپتال بھیج دیا گیا ہے ۔ انہوں نے بتایا کہ ان بدمعاشوں پر بالترتیب چھ اور آٹھ مقدمے درج ہے ۔ پولیس کو کافی وقت سے ان بدمعاشوں کی تلاش تھی۔
