نئی دہلی: عام آدمی پارٹی کے کمیونیکیشن انچارج وجے نائر، جو دہلی ایکسائز گھوٹالے کے ایک ملزم ہیں، نے اپنے فون سے انڈو اسپرٹس کے ایم ڈی سمیر مہندرو اور دہلی کے وزیر اعلی اروند کیجریوال کے درمیان فیس ٹائم ویڈیو کال کا اہتمام کیا۔ انفورسمنٹ ڈائریکٹوریٹ (ای ڈی) نے ایک نئی چارج شیٹ میں یہ الزام لگایا ہے۔ ایجنسی کا الزام ہے کہ وجے نائر نے AAP لیڈروں کی جانب سے دہلی شراب کی پالیسی میں لائسنس کے لیے “ساؤتھ گروپ” سے ایڈوانس کے طور پر 100 کروڑ روپے لیے۔ اس چارج شیٹ میں، جو این ڈی ٹی وی کے پاس ہے، یہ بھی دعویٰ کیا گیا ہے کہ کیجریوال کی عام آدمی پارٹی نے گوا میں اپنی انتخابی مہم کے لیے ایکسائز گھوٹالہ کی رقم کا استعمال کیا۔ ایجنسی کا الزام ہے کہ سروے ٹیموں کے رضاکاروں کو 70 لاکھ روپے ادا کیے گئے۔
