ریاض ۔ فٹ بال اسٹارز لیونل میسی اور کرسٹیانو رونالڈو سعودی عرب کے دارالحکومت ریاض کے کنگ فہد اسٹیڈیم میں رواں ماہ ایک دوستانہ میچ میں مدمقابل ہوں گے۔ تفصیلات کے مطابق لیونل میسی کے فٹ بال کلب پیرس سینٹ جرمین (پی ایس جی) کے خلاف یہ میچ رونالڈو کا سعودی فٹ بال کلب انصر اور اس کا حریف کلب الہلال مل کر 19 جنوری کو کھیلیں گے۔ پی ایس جی کی ٹیم، جس کے مالک قطری ہے، سعودی عرب روانگی سے پہلے 17 جنوری کو دوحہ پہنچے گی۔ میسی فٹ بال ورلڈ کپ جیتنے کے بعد 15 روزکی چھٹی پر ہیں اور رونالڈو نے حال ہی سعودی کلب انصر کے ساتھ 2025 تک 20 کروڑ یورو کا معاہدہ کیا ہے۔ النصر کلب کے کوچ فرانس کے روڈی گارشیا ہیں اور سعودی عرب نے رونالڈو کو کلب میں اس لیے شامل کیا ہے تاکہ وہ ممکنہ طور پر2030 میں مصر اور یونان کے ساتھ فٹ بال ورلڈکپ کی مشترکہ میزبانی سے قبل ملک میں فٹ بال کے کھیل کو فروغ دے سکے۔ رونالڈو اور میسی گذشتہ 15 برسوں سے فٹ بال کے کھیل پر چھائے ہوئے ہیں اور12 مرتبہ ایک دوسرے کے خلاف بال ون ڈی اور ایوارڈ جیت چکے ہیں۔ ان کے درمیان نو برس سے جاری مقابلے کی فضا اسپین میں اس وقت شروع ہوئی جب میسی بارسلونا اور رونالڈو ریئل میڈرڈ کی جانب سے کھیل رہے تھے۔ ریاض میں النصر اور الہلال سعودی عرب کے دو کامیاب ترین کلب ہیں۔ قطر نے پی ایس جی کلب 2011 میں خریدا تھا۔
