میڈرڈ۔22 جنوری (سیاست ڈاٹ کام ) اسپینش فٹبال لیگ میں اسٹار سے لیس بارسلونا نے ایونٹ میں فتوحات کی ہیٹ ٹرک مکمل کرتے ہوئے ٹاپ پوزیشن پر قبضہ مضبوط کر لیا، سوریز اور میسی کے گول نے پرستاروں کے دل جیت لیے۔ لالیگا میں ٹاپ ٹیم بارسلونا کا لیغانیس سے سامنا ہوا تو اسٹارز سے بھری بارسلونا نے برتری دکھاتے ہوئے 32 ویں منٹ میں پہلا گول کر کے دباؤ بڑھا دیا۔ بعدازاں لوئس سوآریز کے گول سے اسکور 2-1 ہو گیا۔ بنچ پر بیٹھے سوپر اسٹار لیونل میسی میدان میں اترے تو انہوں نے انجری ٹائم میں بڑی خوبصورتی سے گیند کو جال میں ڈالنے کا کرشمہ دکھایا۔3-1 کی کامیابی سے بارسلونا کی ٹاپ پوزیشن مزید مضبوط ہو گئی۔ لالیگا میں بارسلونا ٹیم کے مظاہرے انتہائی شاندار ہے اور وہ ہر مقابلہ کے بعد اپنے پہلے مقام کو مستحکم کررہی ہے۔ نیز اسٹار کھلاڑی میسی بھی ٹیم کی فتوحات میں اہم رول ادا کررہے ہیں۔
