پیرس۔3 ڈسمبر (سیاست ڈاٹ کام ) سوپر اسٹار لیونل میسی نے ایک اور بڑاگول بنالیا ہے جیسا کہ انہوں نے فٹبال کا سب سے بڑا ایوارڈ بیلان ڈی آر جیتنے کا چھکا لگا دیا اور اس دوڑ میں روایتی حریف کرسٹیانو رونالڈوکو شکست کا سامنا کرنا پڑا۔ پیرس میں فٹبال ایوارڈ بیلان ڈی آر کی رنگا رنگ تقریب ہوئی جس میں دنیا کے ہردلعزیز کھیل کا سب سے بڑا تاج کس کے سر سجنا تھا سب بے چین تھے، ارجنٹینا اور بارسلونا کے سوپر اسٹار لیونل میسی نے میدان مار لیا۔ لیونل میسی نے بیلان ڈی آر کا ریکارڈ چھکا لگا دیا، وہ اس سے پہلے 2009، 10 ، 11، 12 اور 2015 میں یہ اعزاز اپنے نام کر چکے ہیں۔پانچ پانچ مرتبہ کے فاتح کرسٹیانو رونالڈو اور لیور پول پلیئر وِرجل وین جِک کو ہرا دیا۔ ویمن فٹبالرز میں سے امریکی کھلاڑی میگن ریپائنوئی بھی بیلان ڈی آرکا ایوارڈ جیت چکی ہیں۔
