کراچی،25نومبر (سیاست ڈاٹ کام) پاکستان میں میڈیکل کی طالبہ نمرتا چندانی کے دوپٹہ کی آخری ڈی این اے رپورٹ بھی لاڑکانہ پولیس کو مل ہو گئی ہے ۔ذرائع کے مطابق فارنسک لیب لاہور کے ڈائرکٹر جنرل فارنسک کی جانب سے جاری رپورٹ بھی منفی آ ئی ہے جبکہ دوپٹہ سے کسی قسم کے ذرات نہیں ملے ہیں۔ماہرین کے مطابق کپڑے پر جب تک خون موجود نا ہو کپڑے پر ڈی این اے آنا مشکل ہوتا ہے ، اس سے قبل 16 ستمبر کو نمرتا کی پر اسرار ہلاکت کے بعد پولیس ریکارڈ میں بھی بیانات موجود ہیں جس کے مطابق دروازہ توڑ کر روم میٹس اور سائیڈ روم میٹس نے نمرتا کے گلے سے دوپٹہ کھولا ۔حقائق و واقعات کے بعد اب نمرتا کیس کے جوڈیشنل انکوائری افسر ڈسٹرکٹ اینڈ سیشن جج اقبال حسین میتلو جلد رپورٹ رجسٹرار ہائی کورٹ کو بھجوا دیں گے ۔
