نئی دہلی: قومی راجدھانی دہلی میں 20 سے 23 فروری تک میڈی ٹیشن کے ماہرین کی ایک عالمی کانفرنس منعقد کی جائے گی، جس میں پالیسی سازوں، کارپوریٹ لیڈروں، محققین اور میڈی ٹیشن کے ماہرین کو مثبت سماجی تبدیلی اور عالمی امن کے عمل کے طور پر میڈی ٹیشن کو آگے بڑھانے کیلئے جمع کیا جائے گا۔آج یہاں جاری کردہ ایک پریس ریلیز کے مطابق کئی سرکردہ تنظیموں کے تعاون سے منعقد ہونے والی اس کانفرنس کا مقصد صحت اور فیصلہ سازی کیلئے ایک کلیدی محرک کے طور پر میڈی ٹیشن کے بارے میں بیداری پیدا کرنے میں عالمی قیادت کو شامل کرنا ہے ۔
اس کا مقصد تحقیق، ٹیکنالوجی اور ماہرانہ رہنمائی کے ذریعے تعلیم، صحت کی دیکھ بھال، کام کی جگہوں اور حکمرانی میں میڈی ٹیشن کو مربوط کرنے کیلئے پالیسی سازی میں سہولت فراہم کرنا ہے ۔سینٹرل بیورو آف انویسٹی گیشن کے سابق ڈائریکٹر پدم شری ڈی آر۔ کارتیکیان نے اس تقریب کے بارے میں کہا “عالمی کانفرنس آف میڈیٹیشن لیڈرز، 2025 میڈی ٹیشن کو صحت کے بحران، تشدد اور ماحولیاتی انحطاط جیسے عالمی چیلنجوں سے نمٹنے کیلئے ایک طاقتور ٹول کے طور پر اجاگر کرے گی۔
