میکسیکو سٹی 5 اپریل ( سیاست ڈآٹ کام ) شمالی میکسیکو میں دو حریف گروہوں کے مابین فائرنگ کے تبادلے کے دوران کم از کم 19 افراد ہلاک ہوگئے ۔ میڈیا کے مطابق مادیرا نامی شہر سے اٹھارہ لاشیں، دو دستی بم، گاڑیاں اور اسلحہ برآمد ہوا ہے۔ اسکے علاوہ سڑک کے کنارے سے دو مسلح افراد کو زخمی حالت میں گرفتار کیا گیا ۔ ان میں ایک شخص زخموں کی تاب نہ لاتے ہوئے چل بسا۔ پولیس نے بتایا کہ یہ منشیات فروش گروپوں کے درمیان ہونے والی لڑائی تھی۔
