میکسیکو سٹی ، 19 جولائی(سیاست ڈاٹ کام) میکسیکو کی مغربی ریاست نایاریت میں مسافر بس پلٹنے سے بس میں سوار 15 افراد ہلاک اور دیگر 21 افراد زخمی ہو گئے ۔ مقامی احکام نے اس حادثے کی اطلاع دی ۔ نایاریت سرکار کے ترجمان نے کہاکہ مرنے والوں اور زخمیوں میں سات بچے بھی شامل ہیں ۔ یہ حادثہ قومی شاہراہ پر مقامی وقت کے مطابق صبح سات بجے پیش آیا ۔ نایاریت کے محکمہ فائر بریگیڈ کے مطابق بس کے پلٹنے کے بعد فائر بریگیڈ کا عملہ مسافروں کو بچانے اور نعشیں نکالنے میں مصروف ہو گیا ۔