میکسیکو سٹی31 مئی (سیاست ڈاٹ کام ) میکسیکو میں کورونا وائرس کے گزشتہ 24 گھنٹوں میں 2885 نئے کیس درج ہونے سے ملک میں متاثرین کی مجموعی تعداد بڑھ کر 87500 ہوگئی ہے جبکہ اس وبا سے 364 افراد کی موت ہو چکی ہے ۔ میکسیکو میں ایک ہفتہ میں 22 ہزار سے زائد کیس سامنے آئے ہیں۔نائب وزیرصحت ہیوگو لوپیزگیٹل نے پریس کانفرنس میں کہا کہ بدقسمتی سے ، اس وبا کی وجہ سے ملک میں 9779 افراد کی موت ہو چکی ہے۔مسٹر گیٹل نے کہا کہ ہفتہ کو کورونا کے 2885 نئے کیسز آنے سے ملک میں متاثرین کی تعداد بڑھ کر 87512 ہو گئی ہے ۔ایک ہفتہ پہلے میکسیکو میں کووڈ -19 سے 7179 اموات ہوئی تھی اور کورونا کے ایکٹیو کیسز کی تعداد 65856 تھی۔ اس کے بعد ایک ہفتے کے اندر کورونا وائرس کے 22000 کیسزکی تصدیق ہوئی اوراس دوران 2500 افراد کی موت ہو چکی ہے ۔
