ملبورن ۔8 ڈسمبر ( سیاست ڈاٹ کام ) ذہنی مسئلہ کی وجہ وقفہ لینے والے آسٹریلیا کے اسٹار آل راونڈرگلین میکسویل واپسی کی راہ پر ہیں۔ انہوں نے وکٹوریہ کی ٹیم کے ساتھ پریکٹس شروع کر دیا ہے۔ میکسویل نے اکتوبر میں سری لنکا کے خلاف ٹی 20 سیریز کے دوران نامعلوم وجوہات کرکٹ سے وقفہ لے لیا تھا۔ انہوں نے اب کلب کرکٹ میں واپسی کرکے وکٹوریہ پریمیئر لیگ کے تین میچ کھیلے۔ آسٹریلیا کے مارکس ہیرس نے سے کہا کہ وہ (میکسویل) واپسی کے لیے پوری محنت کر ر ہے ہیں ، مجھے نہیں پتہ کہ اس ہفتے واپسی کریں گے یا بگ بیش میں لیکن وہ اب واپسی سے زیادہ دور نہیں ہیں۔ غور طلب ہے کہ میکسویل نے ذہنی بے چینی کی وجہ اسی سال اکتوبر میں آسٹریلیا کی ٹی 20 ٹیم سے وقفے کا فیصلہ کیا تھا۔ کرکٹ آسٹریلیا نے میکسویل کے کرکٹ سے وقفہ لینے کے فیصلے کی اطلاع دی تھی۔ کرکٹ آسٹریلیا سے منسلک بین اولیور نے اس وقت کہا کہ ہمارے کھلاڑیوں اور عملے کی صحت ہمارے لئے بہت اہم ہیں اور گلین میکسویل کو ہماری مکمل حمایت ہے۔ انہوں نے کہا کہ گلین میکسویل ہمارے انتہائی اہم کھلاڑی ہیں، ہم امید کرتے ہیں کہ وہ جلد ہی ٹیم میں واپسی کریں گے۔ 31 سال کے میکسویل نے اب تک 7 ٹسٹ، 110 ونڈے اور 61 ٹی 20 میچ کھیلے ہیں۔ ٹسٹ کرکٹ میں 339، ونڈے میں 2877 اور ٹی 20 میں 1576 رنز ان کے نام پر درج ہیں۔ ٹسٹ کرکٹ میں 8، ونڈے میں 50 اور ٹی 20 میں 26 وکٹ ان کے نام پر درج ہیں۔
