میلبورن۔ اینڈریو میک ڈونلڈ کو آسٹریلیائی مینز کرکٹ ٹیم کا ہیڈ کوچ مقرر کر دیا گیا ہے۔ ان کا معاہدہ چار سال کا ہے۔ کرکٹ آسٹریلیا نے بدھ کے روز کہا کہ جسٹن لینگر کے فروری میں معاہدے میں مختصر توسیع پر رضامند نہ ہونے کے بعد عبوری کوچ کے طور پر خدمات انجام دینے کے بعد میک ڈونلڈسے معاہدہ پر دستخط کیے گئے۔ پاکستان میں آسٹریلیا کی 1-0 سے ٹسٹ سیریز جیتنے کے بعد میک ڈونلڈ کو اس عہدے کے لیے کل وقتی شمولیت کے لیے ایک مضبوط دعویدار کے طور پر دیکھا جا رہا تھا۔ انہوں نے کہا کہ اب تک کا سفر شاندار رہا ہے اور مجھے یہ شاندار موقع ملنے پر فخر ہے کہ آگے ایک دلچسپ راستہ ہوگا۔ میک ڈونلڈ نے2019 میں آسٹریلیا کی کوچنگ ٹیم میں شمولیت اختیار کی، اس سے قبل انہوں نے 2018-19 کے سیزن کے دوران تینوں گھریلو مقابلوں میں وکٹوریہ اسٹیٹ اور میلبورن رینیگیڈز کی قیادت کی۔ سابق ٹسٹ آل راؤنڈر میک ڈونلڈ نے انڈین پریمیئر لیگ اور انگلش کاؤنٹی کرکٹ میں ہیڈ کوچنگ کے فرائض انجام دیے ہیں۔ وہ آسٹریلیائی ٹیم میں شامل ہونے کے بعد لینگر کے سینئر اسسٹنٹ کوچ رہ چکے ہیں۔ میک ڈونلڈ گزشتہ ہفتے پاکستان کے تین ٹسٹ کے دورے سے واپس آئے تھے۔
