واشنگٹن : امریکی سینیٹرامریکی ریاست میساچوسٹس کی سینیٹر الزبتھ وارن نے کہا ہے کہ وہ ”انسانی تباہ کاریوں کے ذمہ دار ” اسرائیلی وزیر اعظم بنجمن نیتن یاہو کی 24 جولائی کو کانگریس میں تقریر میں شرکت نہیں کریں گی۔صحافیوں کے سوالوں کا جواب دیتے ہوئے وارن نے کہا، ”وزیر اعظم نیتن یاہو نے ایک انسانی تباہی پیدا کر دی ہے۔ علاوہ ازیں انہوں نے یہ بھی بیان دیا ہے کہ وہ دو ریاستی حل کی پالیسی کی حمایت نہیں کرتے جس سے اسرائیلی عوام اور فلسطینیوں کو اپنی قوموں کو اپنی تقدیر اور وقار کے مطابق زندگی گزارنے کا موقع ملے۔”انہوں نے کہا کہ ”ہمیں جنگ بندی کی ضرورت ہے۔ ہمیں ان قیدیوں کو واپس لینے کی ضرورت ہے۔” ڈیموکریٹک سینیٹر نے غزہ میں درکار انسانی امداد کی طرف بھی توجہ مبذول کرائی۔
