وٹیکن سٹی ۔ 20 ستمبر (ایجنسیز) کیتھولک عیسائیوں کے روحانی پیشوا پوپ لیو نے کہا ہے کہ اِنہیں امریکہ میں ہونے والی کچھ چیزوں پر تشویش ہے۔ پوپ لیو نے مصنوعی ذہانت کی مدد سے اپنا ورژن بنانے کا منصوبہ بھی مسترد کر دیا ہے۔ پوپ لیو نے مزید کہا کہ وہ امریکہ میں پارٹی سیاست کا حصہ نہیں بنیں گے، امریکہ میں مقیم پادری خود طے کر سکتے ہیں کہ اِنہیں ٹرمپ انتظامیہ سے کیسے معاملہ کرنا ہے۔ یاد رہے کہ اِس سے قبل سابقہ پوپ فرانسس نے امریکی پادریوں کو ایک خط لکھ کر تارکینِ وطن سے متعلق ٹرمپ انتظامیہ کی پالیسی کی مخالفت کی تھی۔
