لندن۔ مچل اسٹارک نے ایشز2023 کی جاری سیریز کے دوران پیٹ کمنز جیسے کھلاڑیوں کے نقطہ نظر کی تقلید کرنے اور اپنے طریقوں کو تبدیل کرنے کی کوشش کرنے کے بجائے اپنی طاقت پر انحصارکرنے کا ارادہ ظاہر کیا ہے۔ لارڈز میں 33 سالہ کھلاڑی نے آسٹریلیا کو43 رنز سے جیت دلانے کے لیے چھ کھلاڑیوں کو آوٹ کیا گھا ۔ اس کے بعد اسٹارک نے ہیڈنگلے میں تیسرے ٹسٹ میں سات وکٹوں کے ساتھ نمایاں رہے جس میں دوسری اننگز میں پانچ وکٹوں کا مظاہرہ بھی شامل ہے۔ ایشیز2019 میں اسٹارک کو بنیادی طور پر ان کی زیادہ رنز دینے کی وجہ سے نظر اندازکیاگیا۔ وہ صرف مانچسٹر میں موجود تھے جہاں اس سیریز میں ٹیمیں آگے ہیں، اور اولڈ ٹریفورڈ میں فتح میں اس نے چار وکٹیں حاصل کیں، لیکن اسے لگا کہ اس کا ان کے کھیل پر نقصان دہ اثر پڑا جو کہ جب وہ گھر واپس آیا تو اس کا اثر باقی رہا۔پچھلی باراکانومی ریٹ پر کافی لوگوں نے پورے ٹورکے بارے میں بات کی تھی اور ہم سب نے اسے قبول کیا ۔ یقینی طور پرآسٹریلیا واپس جانا اور کچھ فام کی رفتار کھونا اس میں شامل تھا ۔میں اس بار اسے تبدیل کرنے والا نہیں تھا۔ میں جوش ہیزل ووڈ جیسا بننے کی کوشش کرنے کے بجائے یا پیٹ کمنز جیسا کوئی کردار اپنے کے بجائے اپنی طاقت اور جوکچھ میں لاتا ہوں اس پر قائم رہوں گا۔ اتوارکو ہیڈنگلے میں آسٹریلیا کی تین وکٹوں کی شکست میں اسٹارک آسٹریلیاکے بہترین بولر رہے ، جنہوں نے اس ٹسٹ میں 5-78 کے اعداد و شمار درج کئے۔ انہوں نے تیسرے دن کے پہلے اوور میں جوروٹ، ہیری بروک اور انتہائی اہم بین اسٹوکس کو آوٹ کیا ، اس کے علاوہ انہوں نے اولی پوپ کے اسٹمپس کو بیکھرنے کیلئے اپنے ٹریڈ مارک ان سوئنگرز یارکر کا استعمال کیا ۔