آکلینڈ : دنیا بھر میں سال نو کا جشن منانے کے لیے تیاریاں عروج پر ہیں اور نئے سال کا سورج سب سے پہلے نیوزی لینڈ میں طلوع ہوا۔خبرایجنسی کے مطابق نئے سال کا سورج سب سے پہلے نیوزی لینڈ میں طلوع ہوا اور پھر آسٹریلیا کے شہریوں نے نئے سال کو خوش آمدیدکہا۔نئے سال کو خوش آمدید کہنے کیلئے سڈنی ہاربر پر شاندار آتش بازی کی گئی جبکہ ہانگ کانگ کے وکٹوریا ہاربر پر آتش بازی سے نئے سال کا استقبال کیا گیا۔سال نو کے موقع پر تھائی لینڈ کے شاپنگ سینٹر آئیکون سیام پر آتش بازی ہوئی جبکہ دبئی کے برج خلیفہ سے بھی آتش بازی کرتے ہوئے سال نو کی مبارک باد دی گئی۔