ریاض :سعودی سپریم کورٹ نے اعلان کیا ہے کہ چہارشنبہ 19 جولائی کو نئے اسلامی سال 1445ھ کا آغاز ہوگا۔ منگل 18جولائی 2023 مطابق 30 ذی الحجہ ہجری سال 1444 کا آخری دن تھا۔ سرکاری خبررساں ادارے ایس پی اے کے مطابق سپریم کورٹ نے بیان میں کہا کہ پیر 17 جولائی 2023 (29 ذی الحجہ) کو نئے ہجری سال کے ماہ محرم کا چاند دیکھنے کی کوشش کی گئی۔رویت ہلال کے حوالے سے مطلوبہ شواہد مکمل نہ ہونے کی بنیاد پر طے کیا گیا کہ منگل کو ذی الحجہ کی 30 تاریخ ہوگی جبکہ چہارشنبہ کو ماہ محرم 1445ھ شروع ہوگا۔
