نئی دہلی: جگدیپ دھنکر نے جمعرات کے روز ملک کے 14ویں نائب صدر جمہوریہ کی حیثیت سے حلف لیا۔ صدر جمہوریہ دروپدی مرمو نے راشٹرپتی بھون کے اشوک ہال میں دھنکر کو نائب صدر جمہوریہ کے عہدے اور رازداری کا حلف دلایا۔ اس موقع پر وزیر اعظم نریندر مودی، وزیر داخلہ امت شاہ، وزیر دفاع راج ناتھ سنگھ اور دیگر مرکزی وزرا موجود تھے۔ اس موقع پر لوک سبھا میں قائد اپوزیشن ملکارجن کھرگے بھی موجود تھے۔جگدیپ دھنکر کو حال ہی میں نائب صدر کے عہدے کے لیے منتخب کیا گیا تھا۔ وہ سبکدوش ہونے والے نائب صدر ایم وینکیا نائیڈو کی جگہ لیں گے۔ نائیڈو کی مدت کار گزشتہ روز ختم ہو گئی۔ جگدیپ دھنکر نے این ڈی اے امیدوار کے طور پر نائب صدر عہدے کے لئے انتخاب لڑا اور حزب اختلاف کی مشترکہ امیدوار مارگریٹ الوا کو شکست دی۔قبل ازیں دھنکر مہاتما گاندھی کو خراج عقیدت پیش کرنے راج گھاٹ گئے اور گاندھی سمادھی پر انہیں خراج عقیدت پیش کیا۔
