نائجیریا میں سرکاری ہسپتالوں میں کام کرنے والے ڈاکٹرز آئندہ ہفتے سے ہڑتال کر رہے ہیں۔ ڈاکٹروں کا مطالبہ ہے کہ ان کی تنخواہیں بڑھانے کے ساتھ ساتھ انہیں ویلفیئر کی بہتر سہولیات اور ملازمت کے لیے ساز گار ماحول فراہم کیا جائے۔ ہڑتال کی کال نیشنل ایسوسی ایشن آف ریزیڈنٹ ڈاکٹرز نے جاری کر رکھی ہے، جو چالیس فیصد ڈاکٹروں کی نمائندگی کرتی ہے۔ افریقہ کے سب سے زیادہ آبادی والے ملک نائجیریا میں ڈاکٹر اکثر ہڑتال کرتے رہتے ہیں۔
