واشنگٹن ۔ شاہ رخ خان کی شریک مالکانہ نائٹ رائیڈرس فرنچائزی امریکہ کی ایک اہم کریکٹ لیگ میں سرمایہ کاری کرے گی۔ امریکہ کرکٹ انٹرپرائز(اے سی ای) نے اس کا اعلان کیا ہے ۔نائٹ رائڈرس کی فرنچائزی والی ٹیمیں آئی پی ایل اور کیربیائی پریمئر لیگ میں کھیلتی ہیں۔ امریکہ کی یہ کرکٹ لیگ ملٹی ملین ڈالر ٹی20 ٹورنمنٹ ہوگا۔ اس میں سرمایہ کاری کرکے نائٹ رائیڈرس نے دنیا کے سب سے بڑے میڈیا مارکیٹ میں قدم رکھا ہے ۔اے سی ای کے شریک بانیوں میں سے ایک وجے سری نواسن کا ماننا ہے کہ اس سے امریکہ میں کرکٹ کو فروغ ملے گا۔ انہوں نے کہا ہم اس بات سے کافی پرجوش ہیں کی نائٹ رائیڈرس اس اہم کرکٹ لیگ کا حصہ بن رہا ہے ۔ امریکہ میں کریکٹ کو فروغ دینے کے لئے ان کے ساتھ رائیڈرس آغاز سے ہی ہمارے ساتھ وابستہ رہے ہیں۔ ان کا سرمایہ کاری کرنا ہمارے منصوبوں پر مہر ثبت کرتا ہے ۔ امریکہ میں کرکٹ کے مستقبل کے سلسلے میں یہ طویل مدتی سرمایہ کاری ہے ۔ایسا سمجھا جاتا ہے کہ نائٹ رائیڈرس فرنچائزی لاس انجلس ٹیم کو خریدے گی۔
