ابوجا۔نائیجیریا کے شمال مشرقی علاقے میں فوج نے کارروائی کرتے ہوئے دہشت گرد تنظیم بوکو حرام کے اسٹریٹجک کمانڈ سنٹر کو مکمل طور پر تباہ اور کئی دہشت گردوں کو ہلاک کردیا۔ نائیجیریائی فوج کے ترجمان جان ایننچے نے جمعہ کو جاری ایک پریس ریلیز میں اس کی اطلاع دی ۔ ترجمان کے مطابق فوج نے چہارشنبہ کو شمالی صوبہ بورنو کے سمبیسا کے جنگلات میں بو کو حرام کے مقامات کو نشانہ بناتے ہوئے فضائی حملے کئے ۔ بوکو حرام کے پاس نائیجیریا کے سمبیسا کے جنگلات میں سب سے بڑا تربیتی کیمپ بھی ہے ۔ترجمان نے بتایا کہ بدھ کے روز یہ مہم چلائی گئی۔ اس کا مقصد بوکو حرام کے اہم اڈوں کو ختم کرنا تھا۔ اس کارروائی میں متعدد دہشت گرد بھی مارے گئے ۔
