نارائن پیٹ 25/اگست ( سیاست ڈسٹرکٹ نیوز)ٹریفک پولیس نے نارائن پیٹ ضلع ہیڈکوارٹر کے ستیہ نارائنا اسکوائر پر عوام اور موٹرسائیکلوں کے لیے روڈ سیفٹی قوانین کے بارے میں بیداری پروگرام کا انعقاد کیا۔ اس موقع پر ٹریفک کانسٹیبل نریش نے کہا کہ لوگوں کو سائبر کرائمز کے بارے میں چوکنا رہنا چاہئے اور سائبر مجرموں کی دھوکہ دہی کا شکار نہیں ہونا چاہئے، اور سائبر جرائم کی صورت میں 1930 ٹول فری نمبر پر اطلاع دینے کا مشورہ دیا۔ انہوں نے یہ بھی کہا کہ گاڑی چلانے والے شراب کے نشے میں گاڑیاں نہ چلائیں کیونکہ شراب کے نشے میں گاڑی چلانے سے سڑک حادثات کا امکان ہوتا ہے۔ڈرائیونگ لائسنس کے بغیر کوئی گاڑی نہیں چلائی جا سکتی۔ڈرائیوروں کو ہیلمٹ اور سیٹ بیلٹ پہننا چاہیے۔ موٹرسائیکل سوار اپنی گاڑیاں مین روڈ پر کھڑی نہ کریں۔
