نارائن پیٹ ۔30اکٹوبر ( سیاست ڈسٹرکٹ نیوز)نارائن پیٹ محکمہ ضلع پولس کے زیراہتمام پولیس شہداء کے ہفتہ طویل تقاریب کی مناسبت سے آج ایک سائیکل ریلی کا انعقاد عمل میں لایا گیا۔ اس تقریب میں ضلع ایس پی ڈاکٹر ونیت آئی پی ایس نے ریلی کو جھنڈی دکھا کر روانہ کیا۔یہ ریلی ضلع پولیس پریڈ گراؤنڈ سے شروع ہوئی اور ساورکر چوراہے، ستیہ نارائنا چوراہے، امبیڈکر چوراہے سے ہوتی ہوئی آخر میں ایس پی آفس پر اختتام پذیر ہوئی۔ اس موقع پر ایس پی نے نوجوانوں، طلباء ، بچوں، پولیس اور عوام کو مخاطب کرتے ہوئے شہیدان پولس کو زبردست خراج پیش کرتے ہوئے شمع روشن کرکے انکی آتما شانتی کیلئے دعا کی۔ اس ریلی میں ایڈیشنل ایس پی ایم ڈی ریاض الحق ،ڈی ایس پیز نالہپو لنگایا، مہیش، سی آئی شیواشنکر، آر آئی نرسمہا، ایس سی آئیز وینکٹیشورلو، نریش، شیواشنکر، شویتا، سریشا، کرشنا چیتنیا، پی ای ٹی رمنا، یوگا ممبران، طلباء اور دیگر پولیس اہلکاروں نے بڑی تعداد میں شرکت کی۔
